Pierre Dillebuerg

Vu Kengencyclopedia

"Oh Mamm, den Här Dillebuerg? Ma dat ass eng ganz formidabel Persoun!"

~ De Pierre Dillebuerg iwwert de Pierre Dillebuerg

De Pierre Dillebuerg (* 999), och nach Dilli, de Pier oder Mister Rosa genannt, ass eng vun de bedeitenste Persounen aus der lëtzebuergescher Geschicht. Hie gëllt als Grënner vu Lëtzebuerg a war fir de Rosa-Lëtzebuergesche Krich 1769 verantwortlech. 1890 huet e sech aus de Staatsgeschäfter zréckgezunn a lieft zënterdeems op sengem Landsëtz zu Hannerklenghupperdang.

[Änneren] Seng Bedeitung an der Geschicht

No der Grënnung vun der Grofschaft Lëtzebuerg huet hie säi Muechtberäich ëmmer méi staark konnten ausbauen. No Grenzstreidereie mam belsche Kinnek koum et dunn am Joer 1769 zu der Rosa-Lëtzebuergescher Kris, bei där Lëtzebuerg géint d'Belsch an de Krich gezunn ass. No der batterer Nidderlaag vun de Belsch huet den Dillebuerg sech zum Kinnek iwwer dat neiageriichte Kinnekräich Lëtzebuerg a Grofschaft Belsch proklamméiert. Fir d'Kréinungzeremonie ass de Popst Clemens XIV. op Lëtzebuerg komm. Am Joer 1890 huet de Pierre Dillebuerg sech zréckgezunn. No iwwert engem halwe Joerdausent, dat hie massgäblech geprägt huet, wollt en d'Rudder méi jonken iwwerloossen. Well sech awer direkt kee wierdegen Nofolger fanne gelooss huet, gouf e grousse Casting organiséiert. Gewënner war hei den Adolf I.. Zënterhier hällt hie sech am Hannergrond a kënnt geleentlech mol fir Renovatiounsaarbechten, egal op et fir d'Politik, de Chambersplenum oder den RTL-Studio ass, erëm. Seng Roll bei der Grënnung vun der Europäescher Unioun ass awer och net ze ënnerschätzen.

[Änneren] Säi literarescht Wierk

Déi mannst wëssen, datt de Pierre Dillebuerg eigentlech och e formidable Schrëftsteller a Komponist ass. Vun him sinn eng Abberzuel Romaner, Saachbicher, Gedichter a Lidder erhaalen, vun deenen e puer bis an dat fréist Mëttelalter zeréckginn. Hie gëtt vu ville Berühmtheeten als héichintelligenten a wäitgereeste Gespréichspartner ugesinn. Hie gëtt och oft a bei ville Geleeënheeten zitéiert.

Virgänger	Staatschef vu Lëtzebuerg	Nofolger
Kee Virgänger	Pierre Dillebuerg	Adolf I.